FESTAS
De todos é coñecida a abundancia en Galicia de festas e celebracións relacionadas cos productos da terra e a artesanía. De todas elas hai en Vedra bos exemplos.
Festa do viño da Ulla
Tódolos anos, o segundo domingo de abril , ten lugar na parroquia de San Miguel de Sarandón unha festa de exaltación do viño da Ulla. No mesmo recinto da festa podemos visitar a mostra dos viños da D.O. Rías Baixas, Subzona Ribeira do Ulla. Ademais de poder proba-los caldos da zona, poderemos degustar outros productos típicos da gastronomía galega: queixo, empanadas, filloas, chourizos...
Festa da Augardente
Celébrase tódolos anos polo mes de marzo na parroquia de San Mamede de Ribadulla . A protagonista é neste caso a augardente, que se pode consumir nas súas múltiples variedades: queimada, licores, crema de augardente... Como na maioría das festas todo isto estará acompañado de música e comida para alegra-lo padal dos visitantes.
Festa da Orella
A Exaltación da orella de porco protagoniza outra das festas gastronómicas do Concello de Vedra, entre os meses de marzo e abril na parroquia de San Fins de Sales .
Festas parroquiais
Ó longo de todo o ano, pero sobre todo no período estival, atopamos múltiples festas nas diferentes parroquias do Concello e dedicadas a diversos santos. En todas elas hai unha misa grande á que lle seguirán unha romaría e baile.
| San Xián de Sales |
-Festas patronais: primeira fin de semana, despois do 6 de xaneiro.
-San Antón: no mes de xuño
-Festas patronais: 1, 2 e 3 de agosto.
-Santa Isabel: o segundo domingo despois do Corpus.
-Virxe das Angustias: domingo de Pascua.
-Santo André: 30 de novembro.
-As Dores: primeiro domingo de setembro.
-San Caetano: último sábado antes do último domingo de setembro.
-Festas Patronais: 10 de dicembro.
-O Carme: domingo seguinte ao 16 de xullo.
-Romaría dos Remedios: último domingo de agosto.
-Cerimonia das Candelas: 2 de febreiro.
-San Pedro: 29 e 30 de xuño.
-Concepción: primeiro domingo de xullo.
-San Pedro Mártir: domingo seguinte ao 29 de abril.
-San Cristovo: primeiro domingo despois do 10 de xullo.
-San Campio: 9, 10 e 11 de agosto.
-San Miguel: 29 de setembro.
-San Brais: domingo seguinte ao 3 de febreiro.
-San Mamede: os días 7 e 8 de agosto.
-Romaría do Patio: luns despois de terceiro domingo de setembro.
-Santa Cruz: 3 de maio.
-Romaría de Gundián-Procesión e Fogos artificiais: 7 e 8 de setembro.
-Festas da Madanela: 22 e 23 de xullo.
-Santiaguiño: sábado anterior ao último domingo de agosto.
-S. Pedro: en xullo, a primeira fin de semana despois do 29 de xuño.
